
Ульхан Майхан уул
Байгалийн үзэсгэлэнт газар · Дорнод аймаг
Ульхан майхан уул нь Дорнод аймгийн Баян-Уул сумын нутагт байдаг. Нутгийнхан энэ уулаа дээдлэн сүсэглэдэг. Эгц урдаас нь харахад майхан шиг харагддаг тул ном сударт «Ульхан майхан уул» гэж тэмдэглэн үлдээжээ.

Ульхан майхан уул: товч мэдээлэл
Байршил: Дорнод аймаг, Баян-Уул сум.
Нэрийн гарал: Өүлэн эхийн төрхөм Олхунууд аймгийн нэрээс гэж таамагладаг.
Гол: Онон гол, Ононгийн таван салаа.
Арал: Зүрхэн арал.
Хил: уулын оройгоос хойш 3–4 км-т улсын хил.
Боомт: Ульхан боомт, 1971 онд нээгдсэн.
«Ульхан» гэдэг нэр хаанаас гаралтай вэ?
Түүхчид Өүлэн эхийн төрхөм Олхунууд аймгийн нэр цаг хугацааны явцад «Ульхан» болсон гэж таамагладаг. Олхунууд бол V–VII зуунд Монголын дорнод хэсэгт нутаглаж байсан, монголчуудтай гарал нэгтэй шивэй нарын хойчис юм. X зуунаас Олхунууд Онон мөрний их шугуй, Хан Хэнтийн нурууны үргэлжлэл болох их хөвчид олон монгол овог аймгийн хамт нутаглаж байв. Зун намартаа Улз, Хэрлэн голын сав дагуу тал нутаг руу нүүдэллэж, заримдаа Буйр нуур хүртэл хүрдэг байжээ.
Ононгийн таван салаа, Зүрхэн арал гэж юу вэ?
Онон гол Ульхан майхан уулыг ороон урсахдаа зүүн доод талд нь салаалж урсдаг. Үүнийг «Ононгийн таван салаа» гэж нэрлэдэг. Салаанууд их голдоо эргэн нийлэхдээ зүрх хэлбэртэй арал үүсгэсэн тул дээрээс харагдах байдлаар нь «Зүрхэн арал» гэж нэрлэжээ.
Өүлэн эхийн домог юу өгүүлдэг вэ?
«Монголын нууц товчоо»-нд өгүүлснээр Мэргидийн Их Чилэдү Олхунуд иргэнээс охин авч буцаж явахад Ононгийн шугуйд шувуу агнаж явсан Есүхэй баатар тааралдаж, өнгө зүстэй Өүлэн хатныг харжээ. Тэрээр Нэгүүн тайш ах, Даридай Отчигин дүү нараа дагуулан ирж бүсгүйг булаан авчээ. Ийнхүү Өүлэн хатан боржигоны бэр болж ирсэн нь Ульхан уулын орчимд болсон гэдэг. Булаагдсан Өүлэн хатан Ононгийн усыг долгилуулж, урсгал усыг боргилуултал уйлан хайлсан тул энэхүү таван салаа үүссэн гэж домоглодог.
Ульхан майхан уулын ойролцоо юу бий вэ?
Уулын оройгоос хойш 3–4 км зайд Монгол Улсын хойд хилийн зурвас харагдана. Энэ орчимд 1971 онд нээгдсэн Монгол-Оросын хоёр талын зорчигч, ачаа тээврийн Ульхан боомт байрладаг.
Түгээмэл асуулт
Ульхан майхан уул хаана байдаг вэ?
Дорнод аймгийн Баян-Уул сумын нутагт, Онон голын эрэгт.
Уулыг яагаад майхан гэдэг вэ?
Эгц урдаас нь харахад майхан шиг харагддаг учраас.
Ононгийн таван салаа хэрхэн үүссэн гэдэг вэ?
Домогт өгүүлснээр булаагдсан Өүлэн хатан уйлан хайлсанаас таван салаа үүссэн гэдэг.
Товч мэдээлэл
- Ангилал
- Байгалийн үзэсгэлэнт газар
- Харьяалах аймаг
- Дорнод аймаг
- Сум, дүүрэг
- Уул сум


