Монгол төрийн Их хуралдай орд өргөөн цогцолбор

Биндэр суманд 1206 онд “Их Монгол Улс”-ыг тунхагласан гэж үздэг. Монголын нууц товчооны 202 дугаар зүйлд бичсэнээр “Төдий эсгий туургат улсыг шулуутгаж (нэгтгэж) барс жил (1206) Ононы тэргүүнээ хурж, есөн хөлт цагаан туг байгуулаад Чингис хаанд хан цол тэнд өгөв” ... хэмээн өгүүлдэг. Тэрхүү түүхэн газрыг тэмдэглэж байгуулсан гэрэлт хөшөө бий. Түүний баруун талд Монгол төрийн “Их хуралдай” орд өргөөнийг барих ажил хийгдэж байна. Суурийн ажил эхлэл шатандаа явагдаж байгаа бөгөөд 2020 онд ашиглалтанд өгөх төлөвлөлттэй.